He maha ngā mea papai rawa atu, ko te whakawhanaungatanga, te whakawhiti kōrero me aku hoa mahi, te mahi tahi me ētahi atu, te noho tahi, wānanga tahi, me te whakarongo ki ngā kōrero o tangata kē.
E rua ngā mahi rawe ki au. Tuatahi ko te whakarākei hoe me ngā mea e pūmau ana ki taku ngākau, me aku pūkenga hoki. Ahakoa he uaua ki te whakaoti i taua wāhanga o aku pūkenga, he pai ki te noho me te āta wānanga ahau i roto i ahau anō. Me te mōhio, ka whakairihia te waka me ngā hoe katoa ki tētahi pakitara o te rūma kaiako kia taea e mātou te kite ia rā, ia rā hei mea akiaki.
Ko te tuarua, ko ngā momo kēmu na te mea he tangata korikori ahau, tē taea au te nohopuku mō te wā roa. He maha ngā painga i puta mai i aua kēmu. Ko te whanaungatanga, te kotahitanga, te ako, te wānanga, me ēra momo āhuatanga. Ko tāku, kia whakamahi aua momo kēmu ki aku akomanga katoa hei momo rautaki ako just me tīni te kaupapa kōrero kia hāngai ki te kaupapa ako.
Na reira, e hiamo ana te ngākau mo te tau e heke mai ana.
Ko tāku tērā, mauri ora kia tātou katoa.
